Latgalīšu gruomotys izstuodē Reigā i sasatikšona ar autorim

LaKuGa 12. Februars, 2018. gods 0
When:
24/02/2018 @ 10:00 – 18:00
2018-02-24T10:00:00+02:00
2018-02-24T18:00:00+02:00
Where:
Kīpsolys izstuožu halle
Ķīpsalas iela 8
Kurzemes rajons, Rīga, LV-1048
Latvia

Reigā, Kīpsolys izstuožu hallē, nu 23. leidz 25. februara nūtiks Storptautiskuo gruomotu i izdevnīceibu izstuode. Tuos laikā varēs īsaguoduot ari latgaliski izdūtuos gruomotys i satikt latgaliski rokstūšūs autorus.

Latgaliskūs gruomotu i muzykys CD stendu pīduovoj bīdreiba “Latgolys Studentu centrs”, tymā varēs īsaguoduot jaunuokūs izdavumus latgaliski i par Latgolu, ari suvenirus. “Latgolys Studentu centrs” aicynoj ari 24. februarī, sastdīn, iz sasatikšonu ar latgalīšu autorim.

Jautrajā laseitovā byus tikšonuos ar bārnu gruomotu varūnim i autorim, spēlis, eksperimenti i aizraujūši konkursi i cytys radūšys nūdarbis mozajim skaiteituojim. Jautarjā laseitovā 11.15 stuņdēs varēs īsapazeit ar gruomotu “Gostūs pi Boņuka. Stuosti bārnim par Latgolu”. Sovpus 13.00 stuņdēs Rakstnīka gostu ustobā sasatikšona ar multimuokslinīku Raibīs. Jam pārn izguoje debeja dzejis kruojums “Pistacejis”.