Laura Bicāne ir latgalīšu dzīsmineica, kura plašuokai publikai palyka zynoma ar daleibu Eirovizejis nacionalajā pusfinalā 2012. godā. Tod jei izpiļdeja sovu dzīsmi “Freakin’Out”.

Laura dzīd nu bierneibys, nazkod muzykys školā vuicejusēs akordeona spēli, nu, īsavuicūt spielēt gitaru, par Laurys sirdslītu palykuse taišni dzīšmu komponiešona.

2013. godā izguoja Laurys debejis albums “Es tikai ļaujūs”, kas ītvēre kompozicejis vysaiduos volūduos. Gondreiž piec pusūtra goda Laura sovim klauseituojim pīduovoj ūtrū albumu “Trīspuksti”.

Albums “Trīspuksti” ir eipašs ar tū, ka tymā apkūpuotys dzīsmis ar dzejneicys Egitys Terēzis Jonānis haikom. Tai soka poša Laura: “Egita ir pīrakstejuse treisrindis, kurymuos paslāpuse meļdeņu. Maņ ir izadevs atkluot tymūs īveitū muzykys pavedīni. Egitys dzeivuli ir cīši sirsneigi i patīsi. Taidys ir ari ituos dzīsmis.”

Albumā īkļauta ari kaida cīši eipaša dzīsme latgalīšu volūdā, kuru Laura sacerēja muosys kuozom. Itū dzīsmi koncertā Laura izpiļdeis kūpā ar tenoru Juoni Kurševu.

Koncertā pīsadaleis ari taidi zynomi muziki kai Artis Orubs, Ieva Supjeva, Liene Dravniece, Norberts Skraucis, Kārlis Indrišonoks i cyti muziki.

Koncerta dīnā byus vareiba īsaguoduot jaunū CD.

Klauseituoju auss jau sasnāguse dzīsme “Sniegpārsla” nu jaunuo albuma, kura ari tiks atskaņuota koncertā.