Ir apkūpuoti vysi žurejis rezultati i nūteikti nominanti, kas 14.martā, plkst.17:00, Rēzeknis kulturys nomā, teik aicynuoti iz Latgalīšu kulturys Goda bolvys „Boņuks” 2009 padūšonys ceremoneju. Vīns nu nominantim kotrā kategorejī tod i tiks pi „Boņuka”. Īeja pasuokumā breiva, aicynojom ikvīnu interesentu. Pasuokuma programmā uzastuos jauni i jau aktuali latgalīšu muokslinīki. Ceremoneju vadēs Kristaps Rasims (Kips) nu Dailis teātra.

2010.goda 18.janvarī par starptautiskuo standarta ISO639-3 uzturiešonu atbiļdeiguo instituceja “SIL International” (ASV) ir daškieruse latgalīšu volūdai sovu individualū kodu, kas sastuov nu treju burtu: LTG

Kai kotra mieneša pādejā pīktdinē, ari šudiņ laikroksts "Latgales Laiks" izdūd pīlykumu latgalīšu volūdā "Latgalīšu Gazeta". Itymā reizē roksts par desmit dīnu laikā sareikuotajim desmit latgaliskajim pasuokumim Reigā, Dagdys nūvodā, Kuorsovā, Viļakys nūvodā i Daugpilī.

Jaungoda svineibys proskriejušys i ceru, ka LaKuGys klusiešona ari beigusēs. Deļ tam, kab ruodeitu pozitivu pīvadumu, saraksteju puors ryndys, tai saceit – goda suokumam. Vīnā nu interneta portalim atrodu vaicuojumu: „Kū jiusim nūzeimej Latvejis naatkareibys atjaunuošonys 20.godadīna, kuru atzeimēsim itūgod?”

8.septembrī dzejneicai Marijai Andžānei palyktu 100 godu, partū juos nūvodnīki aicynova gostūs iz atceres pasuokumu 12.septembrī Dagdys nūvoda Šķaunē.

Diskusejā Latvejis Zynuotņu akademejā 8.decembrī IZM puorstuove Zaiga Sneibe nabeja spiejeiga nūsaukt konkretus kriterejus, piec kurim pašreizejuo volūdys lykuma norma teik eistynuota i uzraudzeita. Jei ari navareja īdūt nivīnys cytys logiskys atbiļdis iz auditorejis vaicuojumim, deļ tuo diskusejis vadeituoja raudzeja gluobt situaceji, dūdūt vuordu nuokamajam ziņuotuojam.