Cik žāļ, cik žāļ, ka vieļ naasom saprotušs tuo, ka eista dzymtuos volūdys vierteiba saprūtama ir viņ tīm latgaļīm, kas dzeivoj latgaliskā vidē i kuri apjauš – da dvieselis dziļuokajīm olūtīm apjauš sovys latgaļu volūdys izmierdeišonys politiku, kuru eistynoj myusu latviskuo, taitod i latgaliskuo vaļsts ar pošu, nuj, pošu latgalīšu pretlatgaliskū darbeibu; kod teik systs pi kryušu ar kulakīm, ka jī ir latgalīši, a vyss teik darāts ūtraiži, nu, kai nazkod i nazkur saceju i raksteju, ka tī nav latgaļi, kas nadzeivoj latgaliskā vidē i dīņdīnā narunoj latgaliski, tī ir latgalīšu izceļsmis latvīši, kas ņikod „naatņirgs zūbu” pret sovu maizis devieju.

10.pebralī Reigā Muzikys Akademejā tyka atvārta gruomota –„Anda Beitāne. Vēlīnās izcelsmes vokālā daudzbalsība latviešu tradicionālajā mūzikā” ar trejim audiodiskim pīlykumā „Vokālā daudzbalsība ar augšējo pavadbalsi Ziemeļlatgalē”.

Laiku laikūs tai ir bejs i šūbreid ir; ka vīņs audzej vādaru, a ūtrys – pruotu, ka vīņs audzej saimi, a ūtrys – naudys moku... I itū vysu var dareit goņ ar sovu dorbu, goņ ar ūtra dorbu, goņ īnūt taisnū celi, goņ – leikumojūt.Soka – juoapkaroj korupceja. A itej korupceja, prostuok izasokūt – blokusattīceibys voi sābruošonuos, a vieļ precizuok – sūplokums ir pastateits nu poša Dīva.