31. julī Daugovpilī “Šmakovkys muzejs” reikuos akceju “Gostūs Latgolā”. Akceja veļteita Latgolys vīsmīleibai i “Šmakovkys muzeja” 5 godu jubilejai. 

Vysys dīnys garumā – nu 12.00 da 22.00 stuņžu – Vīneibys laukumā byus vairuokys aktivitatis – “Šmakovkys muzeja” prezentaeja, Latgolys muojražuotuoju tierdzeņš, kulinaruos meistarklasis nu Daugovpiļs nacionalajom bīdreibom. 

Taipoš byus vareiba pīsadalēt orientēšonuos spēlī “HI!STORY:LATGOLA”, kurys laikā varēs izzynuot vaira par cylvākim, kas dzymuši Latgolā, izzynuot Latgolys tradicejis, kulinarū i kulturys montuojumu. 

Akcejis ītvorūs Vīneibys laukumā byus ari Antīko automobiļu kluba “AAK” braucīns – saliduojums. Vaira par braucīnu ITE.