Kab izveiduotu digitalu izstuodi par latgalīšu i jaunnorvegu volūdu, “Volūdu Sāta” organizej fokusgrupys sasatikšonu. Tuos laikā ar potencialajim izstuodis apmaklātuojim tiks diskutāts par lītuotuojim draudzeigim rysynuojumim, kai ari nūtiks daleišonuos idejuos i pīredzē, apmeklejūt muzejus i izstuodis.

Dasasaceit aicynuots sevkurs, kuru interesej volūdys, kultura, izstuodis, muzeji, digitali rysynuojumi, kai ari tī, kuri struodoj voi ir bīdri ar kulturu voi volūdu saisteituos navaļstiskuos organizacejuos, struodoj ar jaunīšim voi poši ir jaunīši nu 16 godu vacuma.

Sasatikšona paradzāta catūrtdiņ, 11. augustā, 14.00 stuņdēs Volūdu sātā (Olūtu īla 33, Reiga). Dorba volūda: angļu. Diskuseju vadeis myusu sadarbeibys partneri nu Norvegejis – puorstuovi nu vacuokuo volūdu muzeja pasaulī! Kotrys diskusejis dalinīks pateiceibā sajims duovonu karti Volūdu sātys gruomotneicā.

Dasasaceišona, aizpyldūt anketu: https://saite.lv/xQE