Gertrūdis Zeilis dorbu vydā dominej figuraluos kompozicejis i portreti, tematu lūkā vysubīžuok pasaruoda zeme, cylvāks i muoksla. Zeme kai pīdareiba dzymtajai Latgolai i pasauļa telpai kūpumā. Cylvāks kai sovejais i svešais, ar sovom tradicejom i dzeivis kuorteibu. Muoksla kai dūmuošonys veids, kas izsaceits kruosu laukumūs i ūtys rokstā, pauž autorei svareigū, pošys puordzeivuojumus i atkluosmis.