2+

“Rupuči” ir muzykala sovvaļnīku apvīneiba, kura roda muzyku bārnim nu 2 da 92 godu vacuma. Tim, kam 93, var naaizīt…
Grupys sastuovā ir Terēze Rasima, Ernests Rasims, Kristaps Rasims i dīvamžāļ ari Luocs Nu Meža. Piec pavuoržu jau var saprast, ka grupa sovā storpā ir “attuoli radinīki” aba bruoļs, muosa i jūs seņcs (tēte). Catūrtais dalinīks – Luocs Nu Meža – formali ir grupys menedžers, bet muokslinīcyskajā darbeibā īsasaista stypri vaira nakai vajadzātu – jam puoruok bīži ir, kū saceit, i par vysu jam ir sovs opozicionars redzīņs. Raksturs jam ir brīsmeigs, tok mes kūpā jū i cyts cytu audzynojam ar dzīsmem, jūkim, spēlem i pošizdūmuotuom puosokom kai dzeivē, tai myusu Youtube kanalā i ari koncertūs!
Itūgod grupa “Rupuči” ir dabuojuse Latgalīšu kulturys goda bolvu “Boņuks” par albumu/gruomotu “Vuškeņa iz pļovys” ar dzejneicys Ilzis Spergys vuordim.
Vysa grupys daiļrade ir latgalīšu volūdā. Tok, ja jius naprūtat latgaliski, nauzatraucit, “Rupuči” soka: “Mes jius īvuiceisim!” 
Smīkli i muzyka gluobs pasauli!