Izstuode “Pierastie un neparastie”
Inga Maijere i Aleksandrs Maijers jau vaira nakai divdesmit godu taisa skaņu reikus – sviļpaunīkus, stabulis, varganus, muola zvonus i zvuorguļus, grabuļus i cytys perkusejis. Itū omotu jī ir īsavuicejuši pošvuiceibys ceļā, daudz laika veļtejūt vysaiduoku materialu i muzykys instrumentu izpietei, eksperimentejūt ar skaņu i formu, eipaši pīgrīžūt viereibu skaņu reiku estetiskajam izskotam i vareibai tūs izmontuot profesionalajā muziciešonā. Meistari ilggadieji sasadorboj ar tautys muzykys salonu ‘’Upe”, pīsadola amatnīceibys godatiergūs Latvejā i sābru zemēs. Jūs taiseitūs instrumentus sovā jaunradē izmontoj ari profesionalī muziki i komponisti, daudzi Ingys i Aleksandra instrumenti ir aizceļuojuši tuoli paceli nu Latvejis.
Izstuodē “Parastie un nepierastie”sūpluok pošu taiseitajim instrumentim teik eksponāti ari tradicionalī i eksotiskī skaņu reiki nu Maijeru muzykys instrumentu kolekcejis. Daudzus instrumentus nu ceļuojumu ir atvaduši rodi i draugi. Izstuodi papyldynoj multimediala skaņu reiku retrospekceja i skanis celeņš, kura īrokstā tyka izmontuoti Ingys i Aleksandra taiseitī muzykys instrumenti.