Koncerts “Latgales ainavas” veļteits Latgolā dzymušu, kai ari ar tuos kulturu saisteitu komponistu dorbim. Koncertā byus klausama kamermuzyka flautai, vejūlei i klavīrem, kū atskaņuos jaunekleigais akademiskuos muzykys trio “Tea For Three”.

Trio sastuovā muzicej flautiste Dārta Stašāne, vejūļnīks Ingus Grīnbergs i pianiste Inta Klimoviča.

Koncerta programā Juoņa Ivanova, Romualda Jermaka, Jēkaba Graubiņa, Arvīda Žilinska, Renātis Stivrinis i Riharda Dubrys kamermuzykys dorbi, kai ari Renāta Cvečkovska veļtejums trio, kas naseņ pīdzeivuojs pasauļa pyrmatskaņuojumu.