Vysu koncertu sovuos rūkuos i ar sovu bolsu saturēs Daugovpiļs teatra akters i vokora vadeituojs Ritvars Gailums. Suokumā jis īpazeistynuos auditoreju ar daudzim da ituo moz zynomim faktim par Latgolu i tuos viesturi. Iz skotuvis kuops Latgolys dzīšmu patrioti, izpiļdeituoji i muzykys ansambli – grupys „Galaktika”, „Baritoni”, „Ginc un es”, „Liepavots”, „Inga un Normunds”, televizejis šova „Dziedošās ģimenes” uzvarātuoji Tihovsku saime, Atis Auzāns i Jurs Ostrovskis. Par dzeivū muzykalū nūformiejumu ryupēsīs muziku grupa “Crazy Daisy”, bet par horeografeju – tautys deju ansamblis „Cīpars”. Zynomuos dzīsmis publika nūteikti varēs dzīduot leidza, taipat naizpaliks ari jūki.