Naujinis Nūvodpietnīceibys muzejā Muzeju naktī byus pasuokums ar moto “Svinam tēlnieces Valentīnas Zeiles 85 gadu jubileju”. Nu 15.00  da 21.00 varēs apsavērt jubilarei Valentinai Zeilei veļteitū instalaceju muzeja teritorejā i breivdobys izstuodi “Tēlnieces Valentīnas Zeiles dzīves karnevāls: Naujene – Rīga – Parīze”. Bārnus leidz 12 godu vacumam gaideis eipašs pīduovuojums: dorbuošonuos “Talantu fabrikā”. Vysa pasuokuma laikā apmaklātuoji varēs apsavērt muokslineicai veļteituos pastuoveiguos ekspozicejis i izstuodis “Latgales parīziete Valentīna Zeile”, atkluotū muokslys prīškmatu kruojumu “Valentīnas Zeiles darbnīca”, biografiskū izstuodi par Zeiļu dzymtu “Dzimtas mantojums”, kai ari izbaudeit retro muzykys skanis nu muokslineicys plašu kolekcejis.

Apmaklātuoji varēs ari apsavērt izstuodis “Podniecības tradīcijas Daugavpils novadā” i “Rokdarbu tradīcijas Daugavas ielejas teritorijā”.

Muzeja teritorejā apsaverama izstuode “Personību dzīvesstāsti 2”. Nu 21.00 leidz pusnaktei byus Špogu Muzykys i muokslys školys vidis objektu paruode.