Pīterdīna tīšraidē nu Rogovkys
Namaineiga Rogovkā ir tradiceja 29. junī svieteit Pīterdīnu, kod nautrānīši gūdynoj dzejnīku Pīteri Jurciņu. Ir bejuši koncerti, vakariešona pi guņskura, pogostu amatermuokslys kolektivu uzastuošonys i citys aktivitatis, bet namaineigs ir pīminis breids Desetnīku kopūs – 19.00 stuņdēs.
Varēsim baudeit koncertu, kurā ar sovom dzīsmem prīcynuos Sovvaļnīks, taipat debitēs Arņs Slobožanins ar grupu “PusKapļi”.
Koncerta laikā nūtiks ari P. Jurciņa pīmiņai veļteitais Jaunūs literatu konkursa nūslāgums. Itūgod konkursa moto ir Pītera Jurciņa vuordi: “Tu tymsumam par speiti nes sovu gaismekleiti.” Konkursa dorbu īsniegšonys laiks tyka pagarynuots leidz 20. juņam.
Pasuokums nūtiks ar SIA “Latvijas Valsts meži” i Vaļsts kulturkapitala fonda Latgolys kulturys programys finansialu atbolstu.
Vaira par Pīterdīnu var skaiteit ITE.