Napaseņ viestejom par Jura Ostrovska jaunuokū dzīsmi latgaliski ar nūsaukumu „Muna zemeite”. Niu teik pīduovuots ituos dzīsmis videoklips, kū var nūsavērt ari LaKuGys skaiteituoji.

Klips dzīsmei „Muna zemeite” tops rudiņs nūskaņuos. Jurs soka lelu paļdis Ilmāram i Martam Drelim, Juoņam Rimicānam, Ivaram Stašuļam (z/s „Rudo kumeļu pauguri”), Guntaram Gaudzējam i Vitai Kukjānei.

Dzīsme „Muna zemeite” jau ir paspiejuse sasnīgt pyrmūs panuokumus i vīnā nu pādejom nedeļom beja īsarynduojuse Latvejis Radejis 2. programys spālātākūs dzīšmu TOP10. Dzīsmis muzykys i teksta autors: Jurs Ostrovskis.

Vaira par muzykys projektu verīs http://www.draugiem.lv/ostrovskis

Karteņa – stopkadrs nu klipa