Lītuošonys nūsacejumi

Portala lakuga.lv lītuošonys nūsacejumi.

1. Lītuošonys nūsacejumi
1.1. “Latgalīšu kulturys ziņu portalu lakuga.lv” (saeisynuotai: portals lakuga.lv) uztur bīdreiba “Latgolys Studentu centrs”.
1.2. Par portala lakuga.lv lītuotuoju skaitoma sevkura fiziska ci juridiska persona, kas izmontoj lakuga.lv saturu, tymā skaitā īsyuta saturu. Lītuošonys nūsacejumi ir saistūši sevkuram lītuotuojam, lakuga.lv redakcejai ir tīseibys tūs maineit piec sovu īskotu: izmainis stuojās spākā piec tūs publiskuošonys lakuga.lv.
1.3. Lakuga.lv saturs lītuotuojim ir pīejams bez moksys.

2. Komeņtiešonys nūsacejumi
2.1. Portals lakuga.lv atbolsta inteligentu i jāgpylnu diskusejis kulturu.
2.2. Rokstūt komentarus, portals lakuga.lv aicynoj īvāruot sovstarpeju cīnu, pīkluojeibu i izavaireit nu komentaru, kas veicynuotu cytu komentaru autoru naidu, gūda i cīna aizskaršonu.
2.3. Portals lakuga.lv patur tīseibys dzēst komentarus, kas:
aizskar personys gūdu i cīnu;
satur rupus vuordus;
kurynoj naidu i/ci aicynoj iz agresivu reiceibu;
reklamej cytus teimekļa resursus saišu formā.
Īvītojūt komentaru, tuo autors atzeist, ka pīkreit portala lakuga.lv lītuošonys i komeņtiešonys nūsacejumim i naizvierzej preteņzejis par komentara satura dziesšonu.

3. Rokstu īsnīgšona
3.1. Autorim roksti juoīsnādz latgalīšu rokstu volūdā, īvārojūt 2007. godā Tīslītu ministrejis apstyprynuotūs Latgalīšu raksteibys nūsacejumus (pīeimami likumi.lv).
3.2. Portala lakuga.lv redakceja, napaskaidrojūt īmesli, var atsaceit autoram roksta publiciešonu.
3.3. Portala lakuga.lv redakceja patur tīseibys lyugt autoram veikt izmainis rokstā ci tuos veikt pošai, saskaņojūt ar autoru. Autoram atsasokūt akceptēt izmainis, portala lakuga.lv redakceja patur tīseibys atsaceit roksta publiciešonu.
3.4. Portala lakuga.lv redakceja patur tīseibys piec sovu īskotu izavēlēt publicejamam rokstam pīvīnuotū vizualū materialu.
3.5. Rokata autora redzīņs var nasakrist ar portala lakuga.lv redakcejis i portala eipašnīka bīdreibys “Latgolys Studentu centrs” redzīni.

4. Autortīseibys
4.1. Portala lakuga.lv saturs ir aizsorguots ar Latvejis Republikys Autortīseibu lykumu. Vysys publikacejis ir bīdreibys “Latgolys Studentu centrs” eipašums.
4.2. Sevkura portalā lakuga.lv publicātūs materialu kopiešona, modificiešona i piļneiga ci daleja publiskuošona ir aizlīgta bez LaKuGys redakcejis rakstiskys atļuovis. Itei praseiba naatsatīc iz interneta olūtim, kuri īvītoj saiti iz LaKuGys publikaceju.

Interneta medeja “Latgalīšu kulturys ziņu portals lakuga.lv” etikys kodekss

Preambula:

“Latgalīšu kulturys ziņu portala lakuga.lv” (iz prīšku: portals lakuga.lv) eipašnīks ir bīdreiba “Latgolys Studentu centrs”.

Portalā lakuga.lv saturs teik publicāts tikai latgalīšu rokstu volūdā. Portala saturs paruoda latgaliskuos kulturys aktualitatis i Latgolys kulturys procesus myusu dīnuos i senatnē. Vīnlaikus portals ir platforma Latgolys kulturys jaunradis procesā radeitūs vierteibu tuoluokai izplateišonai, snādzūt īspieju literatim, muzikim i cytom rodūšom personom īpazeistynuot sabīdreibu ar sovu daiļradi.

Žurnalisti i portala satura radeišonā īsaisteitī uorštata autori puorstuov portala lakuga.lv skaiteituoju interesis, nūdrūsynojūt tīseibys i īspiejis giut patīsu eistineibys atspīgeļuojumu par jūs interesejūšom nūtikšonom.

Žurnalista aizdavumi i pīnuokumi:

  • snēgt sabīdreibai patīsu i puorbaudeitu informaceju, informejūt i izgleitojūt skaiteituojus, šaubu gadīnī konsultejūtīs ar redaktoru;
  • izaturēt kritiski pret sevkuru reiceibā nūnuokušū informaceju, par potencialu interešu konfliktu nakavejūt informēt redaktoru;
  • faktus atspīgeļuot objektivi, precizi i bez maldynuošonys;
  • nūdrūsynuot redzīņu daudzveideibu; ari gadīņūs, kod pošam redzīni ruodīs napījamami;
  • žurnalists ir tīseigs atsasaceit nu satura veiduošonys, ka tys ir pretrunā juo puorlīceibai voi uzskotim;
  • pyrma informacejis izzynuošonys žurnalists ar sevi īpazeistynoj, nūsaucūt vuordu, pavuordi, puorstuovātū medeju;
  • pyrma fotografejis uzjimšonys, audio īroksta, video īroksta veikšonys žurnalists sajam intervejamuos personys atļuovi informacejis tuoluokai izmontuošonai žurnalista dorbā. Uorpus žurnalistikys dorba dabuotuo informaceja nav izmontojama;
  • klaidaini snāgtys informacejis gadīnī tei juoloboj voi juoatsauc, napīcīšameibys gadīnī juoatsavainoj;
  • žurnalistam ir juoapsazynoj i juocīnej Latgolys regiona etniskuo, religiskuo i kulturys daudzveideiba, napīļaunūt stereotipu i aizsprīdumu asameibu sovā dorbā;
  • žurnalists nadreikst ījimt omotu politiskā partejā voi kandidēt vieliešonuos;
  • žurnalista sagataveitais saturs nadreikst byut plagiats.

Informacejis olūts:

  • žurnalists nadreikst atkluot informacejis olūtu bez tuo pīkrisšonys;
  • žurnalistam ir juopuorbauda olūta snāgtuo informaceja.

Dorba naatkareiba:

  • portals lakuga.lv ir redakcionali naatkareigs i napasakļaun cytu organizaceju i kūpīnu interesem i ītekmei.

Kodeksa īvāruošona:

  • par etiskys praksis kodeksa īvāruošonu atbiļdeigs ir portala lakuga.lv redaktors, žurnalisti i uorštata autori.

Nūtikšonu kalendars

May
14
Pīk
11:00 Diskuseju cyklys “Ar Eiropys tvi... @ Zoom
Diskuseju cyklys “Ar Eiropys tvi... @ Zoom
May 14 @ 11:00 – 13:30
Diskuseju cyklys "Ar Eiropys tvierīni Latgolā" 2021 @ Zoom
Lai veicynuotu jaunīšu rodūšū dūmuošonu i ideju radeišonys spieju, uzlobuotu prezentaceju i komunikacejis prasmis, kai ari mudynuotu jaunīšus pīsadaleit sabīdreibai svareigu vaicuojumu rysynuošonā, ituo gods pavasarī turpynoj reikuot pasuokumu cyklu “Ar Eiropys tvierīni Latgolā”.  8.[...]
May
15
Sai
19:00 Izstuode “Andrejam Paulānam – 12... @ Latgolys Kulturviesturis muzejs
Izstuode “Andrejam Paulānam – 12... @ Latgolys Kulturviesturis muzejs
May 15 @ 19:00 – May 16 @ 05:00
Izstuode "Andrejam Paulānam - 125" Muzeju nakts 2021 ītvorūs @ Latgolys Kulturviesturis muzejs
Muzeju nakts 2021 “Robežas” ītvorūs 15. majā Latgolys Kulturviesturis muzeja trešuo stuova zalā voi lūgu vitrinuos varēs apsavērt keramikys vecmeistara Andreja Paulāna keramikys traukus i seikplastiku nu muzeja slāgtuos kruotivis.  Andrejs Paulāns (eistajā vuordā Andrivs[...]
May
16
Svā
15:00 Folklorys kūpys “Saime” dzīduoju... @ Vactilžys pogosts, Bolvu nūvods
Folklorys kūpys “Saime” dzīduoju... @ Vactilžys pogosts, Bolvu nūvods
May 16 @ 15:00
Folklorys kūpys "Saime" dzīduojumi pi krystu @ Vactilžys pogosts, Bolvu nūvods
Maja mieness īt ar tradicionalim maja dzīduojumim pi krystu. Bolu nūvoda Vactiļžys pogostā kotru maja svātdīni 15.00 stuņdēs pi krystu dzīduos foklorys kūpa “Saime”. Itūņedeļ – Ranguču kopūs.
May
19
Tre
14:00 Benislavys etnografiskuo ansambļ... @ Lozdukolna pogosts, Ruguoju nūvods
Benislavys etnografiskuo ansambļ... @ Lozdukolna pogosts, Ruguoju nūvods
May 19 @ 14:00
Benislavys etnografiskuo ansambļa dzīduojumi pi krystu @ Lozdukolna pogosts, Ruguoju nūvods
Sekojūt maja mieneša tradicejom dzīduot pi krucifiksu, ari Benislavys etnografiskais ansamblis kotru maja trešdini 14.00 stuņdēs dzīduos pi krucifiksu.  Itūnedeļ – pi Slavītu kopu krucifiksa.
May
23
Svā
15:00 Folklorys kūpys “Saime” dzīduoju... @ Vactilžys pogosts, Bolvu nūvods
Folklorys kūpys “Saime” dzīduoju... @ Vactilžys pogosts, Bolvu nūvods
May 23 @ 15:00
Folklorys kūpys "Saime" dzīduojumi pi krystu @ Vactilžys pogosts, Bolvu nūvods
Maja mieness nuok ar tradicionalīm maja dzīduojumim pi krucifiksu. Bolu nūvoda Vactilžys pogostā kotru maja svātdini 15.00 stuņdēs pi krucifiksu dzīduos foklorys kūpa “Saime”. Itūņedeļ – Sudarbes kopūs.