“Latgalīšu kulturys ziņu portals lakuga.lv” (da 16.01.2018. “Latgalīšu Kulturys Gazeta”) dorbojās nu 2007. gods pavasara. Domena lakuga.lv saiminīks ir latgalīšu kulturys kusteiba “Volūda” (bīdreiba “LgSC”).
Medeja registracejis numers 000740406

E-posts saziņai i jaunumim: info@lakuga.lv

Telepons: 29509672

___

Portala redakceja:

___

Informaceja uorštata autorim:

Latgalīšu kulturys ziņu portals lakuga.lv ar prīcu publicej uorštata autoru da ituo napublicātus rokstus: redzīņus, receņzejis, intervejis, literarūs dorbus, pietejumus i cytus rokstus.

Rokstus, kas saisteiti ar latgaliskū kulturu voi Latgolu, var īsnēgt latgalīšu voi latvīšu rokstu volūduos (portalā teik publicāti latgaliski atbylstūši 2007. godā pījimtajim myusdīnu latgalīšu rokstu volūdys nūsacejumim), taipat publiciešonai teik pījimti latgaliski pīraksteiti redzīņu roksti ari par cytom Latvejis i pasauļa kulturys procesu tendencem.

Par rokstu temom autorim pyrma tuo juosavīnoj ar portala redakceju, rokstūt info@lakuga.lv.

Par rokstim autori sajem atleidzeibu, kas teik izmoksuota kotra mieneša 30. datumā (voi pādejā dorbadīnā pyrma tuo). Atleidzeibu par rokstu autori sajem iz autorleiguma voi izraksteita riekina par padareitū dorbu pamata (atkareibā nu autora juridisko statusa i ierteibys).

Vālamais rokstu garums:

• interveju tipa rokstim: vysmoz 6000 zeimu
• receņzejom, redzīnim: vysmoz 4000 zeimu
• pietejumim: vysmoz 6000 zeimu;
• literarajim dorbim: vysmoz 5 dzejūli voi vysmoz 4000 zeimu garys prozys publikacejis;

___

Medeja “Latgalīšu kulturys ziņu portals lakuga.lv” darbeibu itūšaļt atbolsta:

Vaļsts kulturkapitala fonds nu 2022. gods janvara (projekts “Latgaliskās kultūras dokumentēšana 2022.–2024. gadā portālā lakuga.lv”).

Medeju atbolsta fonds nu 2023. gods juņa da 2024. gods apreļa (projekts “Latgaliskā kultūrtelpa: problēmas, analīze, diskusijas, dažādība un atspoguļojums portālā lakuga.lv”).

___

Portala lakuga.lv lītuošonys nūsacejumi

1. Lītuošonys nūsacejumi
   1.1. Medeju “Latgalīšu kulturys ziņu portalu lakuga.lv” (saeisynuotai: portals lakuga.lv) uztur bīdreiba “Latgolys Studentu centrs”.
   1.2. Par portala lakuga.lv lītuotuoju skaitoma sevkura fiziska ci juridiska persona, kas izmontoj lakuga.lv saturu, tymā skaitā īsyuta saturu. Lītuošonys nūsacejumi ir saistūši sevkuram lītuotuojam, portala lakuga.lv redakcejai ir tīseibys tūs maineit piec sovu īskotu: izmainis stuojās spākā piec tūs publiskuošonys lakuga.lv.
   1.3. Portala lakuga.lv saturs lītuotuojim ir pīejams bez moksys.
2. Komeņtiešonys nūsacejumi
   2.1. Portals lakuga.lv atbolsta inteligentu i jāgpylnu diskusejis kulturu.
   2.2. Rokstūt komentarus, portals lakuga.lv aicynoj īvāruot sovstarpeju cīnu, pīkluojeibu i izavaireit nu komentaru, kas veicynuotu cytu komentaru autoru naidu, gūda i cīna aizskaršonu.
   2.3. Portala lakuga.lv redakceja patur tīseibys dzēst komentarus, kas:
   • aizskar personys gūdu i cīnu;
   • satur rupus vuordus;
   • kurynoj naidu i/ci aicynoj iz agresivu reiceibu;
   • reklamej cytus teimekļa resursus saišu formā.
   Īvītojūt komentaru, tuo autors atzeist, ka pīkreit portala lakuga.lv lītuošonys i komeņtiešonys nūsacejumim i naizvierzej preteņzejis par komentara satura dziesšonu.
3. Rokstu īsnīgšona
   3.1. Autorim roksti juoīsnādz latgalīšu rokstu volūdā, īvārojūt 2007. godā Tīslītu ministrejis apstyprynuotūs Latgalīšu raksteibys nūsacejumus (pīeimami likumi.lv).
   3.2. Portala lakuga.lv redakceja, napaskaidrojūt īmesli, var atsaceit autoram roksta publiciešonu.
   3.3. Portala lakuga.lv redakceja patur tīseibys lyugt autoram veikt izmainis rokstā ci tuos veikt pošai, saskaņojūt ar autoru. Autoram atsasokūt akceptēt izmainis, portala lakuga.lv redakceja patur tīseibys atsaceit roksta publiciešonu.
   3.4. Portala lakuga.lv redakceja patur tīseibys piec sovu īskotu izavēlēt publicejamam rokstam pīvīnuotū vizualū materialu.
   3.5. Rokata autora redzīņs var nasakrist ar portala lakuga.lv redakceju i portala eipašnīka bīdreibys “Latgolys Studentu centrs” redzīni.
4. Autortīseibys
   4.1. Portala lakuga.lv saturs ir aizsorguots ar Latvejis Republikys Autortīseibu lykumu. Vysys publikacejis ir bīdreibys “Latgolys Studentu centrs” eipašums.
   4.2. Sevkura portalā lakuga.lv publicātūs materialu kopiešona, modificiešona i piļneiga ci daleja publiskuošona ir aizlīgta bez portala lakuga.lv redakcejis rakstiskys atļuovis.

Interneta medeja “Latgalīšu kulturys ziņu portals lakuga.lv” etikys kodekss.

Portala logo

Logo kruosains JPG
Logo kruosains PNG
Logo malnbolts JPG
Logo malnbolts PNG

“Latgalīšu kulturys ziņu portals lakuga.lv” darbeibu ir atbaļstejušs:

Vaļsts kulturkapitala fonds i Medeju atbolsta fonds