Vaļsts svātku prīškvokorā iz koncertu aicynoj grupa „Rikši”
17. novembrī 21:00 folkklubā „Ala Pagrabs”, Reigā koncertēs posfolka grupa „Rikši”.
Latgolys jaunīšu grupa „Rikši” vaļsts svātku prīškvokoru aicynoj sagaideit tradicionaluos muzykys i postfolklorys nūskaņuos. Sūlej, ka vokora gaitā byus gon dzīsmis, gon doncuošona, kai ari „Rikši” raudzeis saspielēt puora patriotiskuos na-folklorys dzīsmis.
Koč ari grupa „Rikši” kūpā spielej napylnus divejus godus, itymā laikā ar sovu energeju, prīcu i latgaliskumu ir atroduši sovu vītu Latvejis postfolklorys muzykys lauceņā i klauseituoju sirdīs. Grupā dorbojās: Zane Dukaļska (bubyns, bolss), Ēriks Zeps (akordeons, bolss), Madara Leglere (vijūle, bolss), Mārtiņš Arbidāns (gitara), Ivars Utāns (basgitara).
Pīduovojam apsavērt grupys jaunuokūs video īrokstus nu ituo rudiņa koncertim:
„Rikši” – Ķēvīt, mana svilpastīte. LZA Barona konfereņcis laikā ituo gods 30. oktobrī
„Rikši” – Pūri, pūri, meži, meži. LgSC pasuokums “Muzykaluo geografeja” krūgā „Bubamara” ituo gods 13. septembrī
Karteņa – grupys publicitatis materiali
