15. janvarī „Latgolys Studentu centrs” Jelgovys latgalīšus aicynuoja iz latgalīšu rokstu volūdys nūdarbeibu, kū vadeja Muora Mortuzāne-Muravska.

Latgalīšu rokstu volūdys nūdarbeiba nūtyka Latvejis Lauksaimnīceibys universitatis dīnasta vīsneicā, i nūdarbeibu apmeklēja 13 latgaliski raksteit grybātuoji. Atnuokušajim beja īspieja atsacerēt vydsškolys latvīšu volūdys stuņdis, kod beja vajadzeiba lītuot vītnīkvuordus, vuordu lūcejumus, divdabus i t.t. Nūdarbeibā tyka stuosteits par vuordu lūceišonu i pareizu lītuošonu gon kasdīnys sarunā, gon raksteibā, par lītvuordu, darbeibys vuordu i eipašeibys vuordu lūceišonu i vītnīkvuordim.

Atnuokušajim beja lela interese par latgalīšu rokstu volūdys nūsacejumu apgiušonu, i „Latgolys Studentu centra” Jelgovys birojs apsver dūmu ari iz prīšku reikuot itaidys nūdarbeibys.

Īskotam kartenis nu pasuokuma.

 

Kartenis: LgSC arhivs
Ziņu sagataveja: LgSC Jelgovys birojs