Par gūdu Varakļuonu piļsātys 85 godu jubilejam 1. februarī Varakļuonu nūvoda muzejā (Varakļuonu pilī) tyka atkluota dzejnīka Ontona Kūkuoja izstuode „Veltījums Varakļāniem”.

Sovys dzeivis laikā O. Kūkuojs vairuokys reizis beja gastejs Varakļuonūs, apmekliejs nūvoda īvāruojamuokuos vītys i ļauds i saceriejs dzejūli „Varakļāniem”. Beja draugs i dūmubīdrs dzejneicai Martai Bārbalei, gastejs Murmastīnē.

2005. godā dzejnīks gasteja Varakļuonu Nūvoda muzejā, kur izsaceja vieliešonūs apgleznuot Varakļuonus, partū ka jam itei „boltuo piļsāta” godu gaitā asūt īkrytuse sirdī i gribūtīs tū apgleznuot na tikai dzejā, bet arī realitatē. 2006. goda pavasarī muzejs sajēme duovonā nu dzejnīka 12 breineigus gleznuojumus pastelī – veļtejumu Varakļuonim. Gleznuojumu serejā attāluoti piļsātys viesturiskī skoti, Varakļuonu piļs i parks, kai ari īvāruojamuokūs nūvoda cylvāku dzymtuos sātys.

Ontona Kūkuoja izstuode „Veltījums Varakļāniem” byus apsaverama leidz ituo goda 2. apreļam Varakļuonu Nūvoda muzejā.

Kartenis: O. Kūkuoja gleznuojumi, Varakļuonu Nūvoda muzejs
Ziņu sagataveja: LaKuGa