20. martā Aglyunys vydškolā 12 stuņdēs jau ostoitū reizi tiks reikuots Latgolys lauku školu jaunradis konkurss, kas veļteits nūvodneicai dzejneicai Naaizmērstulei.

Konkursa mierkis beja īraudzeit školānu dūmu i puordzeivuojumu atkluosmi jaunradis dorbūs, kai ari mudynuot školānus kasdīnā īraudzeit skaistū i sovpateigū, sekmēt pīdereibys apsazynuošonu Latvejai – vārojūt, analizejūt, izviertejūt puordūmys par tendencem sabīdreibā. Konkursa tema beja Naaizmērstulis uzraksteitī vuordi: „Paleidzi maņ munu pīnuokumu tai izpiļdeit, ka caur tū maņ laiceigais lobums un myužeiguo laime nuoktu.”
Konkursā pīsadaleja 124 školāni nu 30 školom, bez literarajim dorbim tyka īsnīgtys ari 17 ilustracejis. LaKuGys skaiteituojim byus īspieja tyrpmuokajuos dīnuos īsapazeit ar konkursa laikā latgaliski topušajim dorbim.

Ziņu sagataveja: LaKuGa