Itymā pavasarī ar vairuokom jaunom muzykalom viestim prīcej dzīduotuoja Guntra (Guntra Kuzmina).

Muotis dīnā sovus klauseituojus Guntra jau ūtrū godu piec kuortys īprīcynuoja ar eipašu muzykalu veļtejumu. Dzīsmis “Mozai dvēselei mozajā pasaulī” teksta i muzykys autore ir Guntra poša. Pīduovojam ari LaKuGys skaiteituojim nūsaklauseit dzīsmi.

Itys pavasars Guntrai atguojs ari ar cytim muzykalim jaunumim. Kūpā ar kolegi nu grupys “Borowa Mc” i projekta “Sovvaļnīks” Ingaru Gusānu sataiseits duets Poparts, kas apreļa beiguos atruodeja pyrmū projekta dzīsmi “Mana sirds”. Dzīsmi nūsaklausi ITE.

Taipat ar sovu īprīškejū singlu “Tik tikko nojaušams” Guntra sekmeigi turpynoj daleibu Latvejis Radejis 2. programys raidejumā “Muzykaluo banka”. Atbaļsteit dzīduotuoju var nūbolsojūt kotru dīnu par dzīsmi ITE.

Sagataveja: Edeite
Karteņa: Guntrys publicitatis materiali