Leivuonā Dzīšmu svātku īleiguošonys pasuokumā 8. junī Latgolys Muokslys i omotnīceibys centrā sadarbeibā ar Latvejis Nacionalū kulturys centru tyka atkluota izstuode, kurā apsaverami vairuok nakai 20 Latvejis nūvodu deči ar kotram nūvodam rakstureigajom kruosom i musturim. Itei izstuode ir vīna nalela daļa nu Dzīšmu svātku izstuodis, kas vysim interesentim byus apsaverama Reigā. Dečus ir audušs Kūrzemis, Vidzemis, Zemgalis i ari Latgolys audiejis. Latgolu puorstuov audiejis Janina Pupiņa, Anna Kuzņecova i Dzidra Ceple nu Leivuona Tautys lītišķuos muokslys studejis „Dubna”.
Izstuode byus apsaverama leidz 7. juļam.

Karteņa: LaKuGys arhivs
Ziņu sagataveja: LaKuGa piec izstuodis veiduotuoju materialim