Aglyunys nūvoda lauku sātā „Upenīte” 29. junī 11 stuņdēs nūsarysynuos naparosts, bet cīši gords konkurss, kura laikā tiks maklāts gorduokais Latgolys lauku torts. Konkurss teik reikuots, lai popularizātu konditorejis meistareibu, dabuotu pīredzi nu vacmeistarim i atkluotu jaunus konditorus, kai ari pīvārstu sabīdreibys uzmaneibu konditorejis meistaru muokslai.

Konkursanti prezentēs piec sova recepta i gaumis radeitu tortu, kura cepšonā byus izmontuota biologiskuos saimnīceibys produkceja bez kruosvīlom. Soldonūs meistardorbu vizualū nūformiejumu i ari garšu viertēs gon žureja, gon interesenti. Sovu daleibu konkursā var pīsaceit leidz 27. juņam, vaira informacejis nūlykumā.

Konkursa laikā par muzykalū lobsajiutu ryupēsīs Dagdys nūvoda folklorys kūpa „Sovvaļnīki”.

Ziņu sagataveja: LaKuGa piec konkursa organizatoru informacejis