Nu 2. leidz 3. augustam Daugavpiļs nūvoda Ambeļu pogosta Putānūs byus nomdoru meistarklase „Šļutes vīru jam session”, kurā ar šļuti* viņ tiks ciersta jauna byuve, apvīnojūt senejuos latvīšu nomdoru zynuošonys ar jaunu pīredzi i modernū zynuotni.

Pīsadaleit teik aicynuoti gon nomdori, gon gaļdnīki, kuri sovā dorbā izmontoj ci gryb izmontuot tradicionaluos zynuošonys i praksis guļbyuvu i kūka konstrukceju ceļtnīceibā, gon cylvāki, kuru mierkis ir ilgspiejeiga dzeive Latvejis laukūs.

Praktiskuos dalis laikā meistarim/amatnīkim byus vareiba paruodeit sovu prasmi, pīredzi, kai ari diskutēt i rast lobuokūs praktiskūs rysynuojumus byuvis radeišonā – pīmeklēt atbylstūšuokūs i iztureiguokūs slāgumu veidus, pasadaleit zynuošonuos par dažaidom tiesšonys tehnikom, īpasazeit ar meistaru izmontuotajim instrumentim. Pīaicynuotī eksperti stuosteis par kūksnis eipašeibom, sātā gatavejamajim impregnantu receptim, saslāgumim, instrumentu sagataviešonu.

Īsarasšona i registraceja nu 7:00 leidz 10:00, nūslāgums 4. augustā 12:00. Tiks nūdruosynuotys teļtsvītys, uzkūdys i pataļči. Pasuokumu organizej bīdreiba „Kulturys studeja Speiga” ar Vaļsts kulturkapitala fonda atbolstu.

Organizatori aicynoj dalinīkus pīsasaceit īprīšk pa telefonim 26358845 (Ilze), 26874324 (Oskars) ci e-postu studejaspeiga@gmail.com.

*šļute – nomdora ciervs

Karteņa: E. Mūrnieks
Ziņu sagataveja: LaKuGa piec nūtikšonys organizatoru informacejis