Šudiņ Daugavpiļs rokgrupa „Dabasu Durovys” laiž klajā dzīsmi „Negaiss”. Jaunuo kompoziceja stuosteis par tū, ka malnī dorbi ir boltim dīgim šyuti i, kod tī pleist, tod suocās nagaiss. Dzīsmis īroksta veiduošonā kūpā ar grupys „Dabasu Durovys” muzikim Arni Slobožaņinu (gitara, vokals), Aleksandru Tamans (bungys), Romānu Slaldzi (gitara, vokals) pīsadaleja ari Valdis Rundzāns (bass), kurs pyrms 30 godim Daugavpilī izveiduoja legendarū grupu „Elpa”, i Armands Ozoliņš (gitara), kurs itūšaļt veidoj muzykalū karjeru Lelbritanejis grupā „Barberella”.

Singla īroksts veikts grupys „Dabasu Durovys” sātys studejā, singlu miksēja i māsterēja Armands Treilihs.

Ziņu sagataveja: LaKuGa piec „Latgales Producentu Grupys” informacejis
Karteņa: “Dabasu Durovu” arhivs