Vysu oktobri Leivuona Rūmys katuoļu bazneicā byus apsaverama katuoļu gareidznīka prelāta Julijana Začesta symtgadei veļteita izstuode „Julijanam Začestam 100”. Izstuode, kurā apkūpuots plašs fotografeju i dokumentalūs faktu kūpums, ir leivuonīšu Skrebeļu saimis veikums.

Izstuodē var apsavērt ari prīstera bazneicys apgierbu, fotografejis, rūkrokstus, publikacejis i dokumentalūs faktu atspīgeļuojumus. Izstuode paradzāta kai ceļojūša ekspoziceja vysuos tymuos draudzēs, kur sova myuža laikā kolpuojs J. Začests.

J. Začests dzims 1913. goda 20. decembrī Ludzys apkaimē.1938. godā Reigā Sv. Jākuba katedrālē īsvieteits par bazneickungu. Kolpuojs gon Reigā, gon dažaiduos Latgolys draudzēs. Myužeibā gareidznīks nūguoja 2009. goda 21. junī i tyka apglobuots Leivuona katuoļu bazneicys duorzā.

Ziņu sagataveja: LaKuGa piec Leivuona nūvoda dūmis snīgtuos informacejis
Karteņa: skots nu izstuodis