Jiusu viereibai Latvejis Radejis 1. programys latgaliskuo raidejuma “Kolnasāta” kasnedelis laidīņs.

Raidejumā varēs nūsaklauseit ūtrū daļu nu sarunys ar školuotuoju i literati Ivetu Ratinīku. Jei stuosteis par jaunajim autorim, nūdefinēs sovus daiļdorba kriterejus i vaira pastuosteis par sovu tūpūšu dzejis kruojumu i monografeju par Juoni Rūkpeļni.

Sižetā nu Latgolys Guna Zvīdre atsavērs iz folklorys kūpys “Vīteri” 10 godu jubilejis svineibom. Stuostā dzierdēsit kai pīredziejušūs vīteru, tai pošys jaunuokuos vīteruotuojis īspaidus.

2. novembris ir Dvieseļdīna, deļtuo vuordineicā Ilze Sperga runuos par slaucamū guni i dvieseļu ceisteitovu.

Raidejumu klausīs ite.

Raidejumu taisa – Aigars Runčis, Daira Kokoreviča i Ilze Sperga.

Ziņu sagataveja: Kolnasāta