Vaļsts svātku nedelis laikā šudiņ Rēzeknis nūvoda Gaigalovys kulturys nomā fotoklubs „ARTērija” atkluos foto izstuodi „Cylvāks”. Izstuode byus apsaverama leidz 15. decembrim.

Fotoklubs ir draugu i entuziastu puļceņš „ARTērija” ir bīdreibys „Artistence” strukturvīneiba. Klubs ir jauns, i itymā zīmā tys svieteis vīna goda jubileju. Nūsaukumā „ARTērija” sliepās divejis idejis – dalinīku gribiešona i napīcīšameiba izapaust ar foto dorbu paleidzeibu – fotoartereja. Ūtra ideja, losūt nūsaukumu angļu volūdā, – „art area”, tei ir vīta, kur tū vysu realizēt aba „vīta muokslai”.

Kluba dalinīkim ir dažaids stils i pīredze, i jūs pulkam var pīsavīnuot sevkurs grybātuojs.

Izstuodis organizatori izsoka pateiceibu Rēzeknis nūvoda pošvaļdeibai, kura izstuodei nūdrūsynuoja fotografeju ramys.

Ziņu sagataveja: LaKuGa piec izstuodis organizatoru snīgtuos informacejis