Novembra beiguos Ondrupinis Tautys nomā nūtyka folklorys kūpys “Sovvaļnīki” i jūs muzykys draugu koncerts, piec kura tyka prezenteits ari “Sovvaļnīku” pyrmais albums.

Latgolys producentu grupys sagataveitajā albumā apkūpuotys folklorys kūpys pīcu godu darbeibys laika 18 popularuokuos dzīsmis.

“Sovvaļnīku” dzīsmis vysbīžuok skaniejušys vysaidūs Dagdys nūvoda pasuokumūs, kai ari tikšonuos reizēs ar nūvoda apceļuotuojim (parosti Ondrupinis muzejā “Ondrupinis lauku sāta”). Taipat foklorys kūpa pīsadalejuse Baļtejis jiurys tautu kulturys festivalā Dīnvydzvīdrejā, Latgolys kulturys dīnuos Sanktpīterburgā i cytur.

Ziņu sagataveja: LaKuGa