Leidz 6. janvaram Latgalīšu kulturys Goda bolvys “Boņuks” organizatori aicynoj sebkuru izsaceit redzīni par goda bolvu, syutūt viestuli iz elektroniskuo e-posta adresu bonuks@rezekne.lv. Ar konkursa nūlykumu var īsapazeit ite.

2014. godā jau sastū reizi tiks padūta Latgalīšu kulturys Goda bolvu “Boņuks”. Bolvys “Boņuks” ideja un mierki: veicynuot latgalīšu tradicionaluos i popularuos kulturys atteisteibu Latgolys regionā i aiz juo rūbežu, apkūpuot lobuokūs paguojušuo goda veikumus, rūsynuot kvalitatis i originalitatis pīaugumu myusdīnu latgalīšu kulturā.

Dasaceit pretendentus iz Latgalīšu kulturys Goda bolvu “Boņuks 2013” varēs nu 7. leidz 17. janvaram.

“Boņuka” bolvu padūšonys ceremoneja nūtiks 2014. goda 23. febralī  Rēzeknē Latgolys viestnīceibys “Gors” lelajā zalā.

Latgalīšu kulturys Goda bolvu “Boņuks 2013″ reikoj bīdreibys “Kukuži”, “Latgolys Studentu centrs”,”Latgalīšu Etnokulturys centrs”, “Latgaļu sāta”, “Latgolys Saeima”, “Latgolys Producentu Grupa”i LatBLUL, aktivuokuos Latgolys reģiona pašvaļdeibys i Latgolys viestnīceiba “Gors”.

Ziņu sagataveja: LaKuGa piec “Gors” snīgtuos informacejis
Karteņa: “Gors” arhivs