Gaidūt uzastuošonu pyrms austrālīšu elektronikys dueta “Parachute Youth”, latgalīšu grupa “Dabasu Durovys” gatavej koncertprogramu angļu volūdā i nūdūd klauseituojim dzīsmi “The Triads”.

„The Triads” ir 2012.godā īraksteituo skaņdorba „Pusnakts Triādis” angliskuo verseja. „Pusnakts Triādis” ir dzīsme nu daugavpilīšu grupys ūtruo albuma „Styklu Vītā Skaņa”. „Dabasu Durovys” iz koncertim 7. i 8. februarī gatavej pusstuņdi garu uzastuošonu angļu volūdā ar sovom originaldzīsmem.

7. februarī Reigys kinostudejā i 8. februarī Tallinys RockCafe uzsastuos elektroniskuos muzykys duets nu Austrālejis „Parachute Youth”. Grupa „Dabasu Durovys” izlaseiti kai koncertu īsyldūšī muokslinīki. Beleti pīejami Ticketpro teiklā Baļtejā nu 6 latim iz koncertu Latvejā i 7 eiro – Igaunejā. Vaira informacejis www.concertsandfestivals.lv, pīduovoj IC Concerts.

Ziņu sagataveja: LaKuGa piec pasuokuma organizatoru informacejis