Latgalīšu folkrock/metal apvīneiba Green Novice paziņoj par debejis albuma “Padebeši” izdūšonu.

“Padebeši” ītvers grupys daiļradis esenci, kas realizāta ostoņuos dzīsmēs. Klauseituoji varēs atpazeit gon labi zynuomuos “Zyli malni padebeši” i “Juotnīks”, gon ari īsapazeit ar mozuok dzierdātim skaņdorbim. Albums taustamā veidā byus pīejams marta suokumā. Atzeimejūt itū nūtykumu, Green Novice svieteis jaunū albumu vairuokūs koncertūs vysā Latvejā, pyrmais nu tīm byus 8.martā Preiļūs, kur uzastuos ari taidys pazeistamys grupys kai “Bez PVN”, “Dabasu Durovys” i Sovvaļnīks.