Rēzeknis Latgalīšu kulturys bīdreiba aicynoj svātdiņ, 6.aprelī, 15.00 iz pīminis breidi Mīra īlys kopsātā, pi izcyluo Latgolys sabīdryskuo darbinīka, goreidznīka un literāta Franča Trasuna atdusys vītys, lai pīmineitu dīnu, kurā pyrms 88 godim jis tyka aizsaukts Myužeibā.

Pīminis breidī pīsadaleis Rēzeknis Jezus Sirds katedralis prāvests Viktors Petrovskis, Rēzeknis Katuoļu vydškolys školāni,  Rēzeknis kulturys noma folklorys ansamblis “Rūta”.