Nu “Supernova” konkursa izkrytušī “Die Mattocks” (Projekts “Kapļi”) pīduovoj videoklipu “sovai nanūtykušajai Eirodzīsmei” XXL.

Videoklipa autori: Studeja “Trīs Karotes Medus”

Dzīsme ir vuocu volūdā i stuosta par rasnu, kvālu mīlesteibu i veirīša suopi attīceibā iz tū, ka meiļuotuo nasaprūt tū faktu, ka legingi nav biksis. Kai soka poši apvīneibys dalinīki: “Pyrma videoklipa suokšonys tyka veikts nažieleigs kastings, kab atrostu Rubensa tipa modeli.” Dzīsme ir vuocu volūdā, partū ka vuocu kulturai Latvejā ir bejuse leluoka ītekme nakai, pīmāram, anglim.

Itūšaļt “Projekts Kapļi” aktivai struodoj pi albuma “Ašņa dasys” īraksteišonys, kas gaidoms jau itūgod. Grupa vysuvaira bazejās i mieginuojumus, īrokstus veic Kuorsovys nūvoda Buozovys sādžā i Saļņovys pogostā.