Izdūta Daugovpiļs Universitatis (DU) Muzykys i muokslu fakultatis Muokslys zynuotņu instituta pietneicys, Mg.art, Mg.paed. Zelteitis Barševskys monografeja “Latgolys rūtuotī dvīli 20. godu symtā” angļu volūdā.

Dorbā īkļauta 2012. godā latvīšu volūdā izdūtuos monografejis “Latgolys rūtuotī dvīli 20. godu symtā” Latgolys 118 apdzeivuotuos vītuos savuoktūs materialu analize, klasificejūt i dūmūt kulturviesturisku informaceju par 266 rūtuotim dvīlim. Monografejis dalykumu veidoj vizualais materials – ar izšyvumim i mežginem greznuotu dvīļu kartenis. Angļu volūdys versejā ir īkļauta ari jauna kulturviesturiskuo informaceja.

Monografeja “Latgolys rūtuotī dvīli 20. godu symtā” ir muokslinīciski, viesturiski i literari kvalitativs kulturviesturisks materials, kai ari izzinis i prezentacejis materials Latgolys tradicionaluo materialuos kulturys montuojuma – 20. godu symta sātys omotnīceibā darynuotūs i rūtuotūs dvīļu – populariziešonai i komunikacejis veicynuošonai storptautyskā kulturys telpā.

Monografeja “Latgolys rūtuotī dvīli 20. godu symtā” radeita projekta “Latgolys rūtuotī dvīli storptautyskā kulturys telpā” gaitā, sasadorbojūt DU i Latgolys regiona atteisteibys agenturai.