Paguojušuo goda beiguos Latgolā ar koncertim gasteja dzīsminīks Kārlis Kazāks, divejuos dīnuos koncertejūt Cyblā, Mērdzinē, Malnovā, Škilbanūs i Upītē. Niu ir vareiba atsavērt iz ituom nūtikšonom video, kurā Kārlis Kazāks izpylda dzīsmi “Kuo vairuok maņ vāg!” ar Ontona Slišāna vuordim.

Kārlis Kazāks ir muzikis, dzīsminīks, ceļuotuojs, komponists, kas pādejūs godu laikā arviņ vaira sateikams ari Latgolys pusē. Īsadvesmojūt nu Birutys Ūzulenis, atrads ceļu pi latgalīšu tautysdzīsmem, nu pārnejā festivalā “Upītes Uobeļduorzs” pyrmū reizi izskanieja ari divejis, eipaši komponātys K. Kazāka dzīsmis ar Ontona Slišāna vuordim.