Kab veicynuotu muokslinīku iņteresi gleznīceibā atveiduot Latvejis dobu i izcaltu Latvejis ainovu gleznīceibys nūzeimi Latvejis myusu dīnu muokslā, Reigys dūme i Preiļu nūvoda dūme sadarbeibā ar Latvejis Zynuotņu akademeju, Latvejis Muokslys akademeju i LBJMFA Juoņa Anmaņa Jaunūs talantu atbolsta fondu dybynoj Jezupa Pīgožņa bolvu Latvejis ainovu gleznīceibā.

Bolvys dybynuotuoji aicynoj muokslinīkus īsnīgt dorbus konkursam, kab pīsadaleitu ceļuojūšā izstuodē i ceineitūs par Jezupa Pīgožņa bolvu, sajemūt Zalta medaļu i naudys bolvu, kuru nūdrūšynoj Preiļu nūvoda pošvaļdeiba. Vaira informacejis par konkursu atrūnams ite.

Jezups Pīgoznis (1934–2014) ir vīns nu izcyluokūs Latvejis ainovu gleznuotuoju, kura dorbi atspīgeļoj Latvejis dobys zīmeļnīciskū kruošņumu i daudzveideibu vysūs godalaikūs i vysvysaiduos Latvejis vītuos. Muokslinīks apbreinuoja Latvejis ainovu par tū, ka gondreiž aiz kotra ceļa leikuma tei atkluoj vys jaunu gleznojamu motivu. Jam beja spieja saredzēt skaistumu seikuos niansēs, spylgtumu pelieceibā i muokslys cīneigu motivu sevkurā vītā.