28. februarī 15.00 Dagdys tautys nomā Rēzeknis Tautys teatris ruodeis komedeju latgaliski ar dzīduošonu i doncuošonu “Patentēts inteligents” aba “Kai Mikeļs precētīs gribēja”.

Kū lai suoc Mikeļs, kurs tik cīši gryb precētīs, nu izradzātuo ir cīma smolkuokuo jaunkuņdze, kura par preciešonūs i nadūmoj, nu, ka preciešūtīs – zyna saceit školys saimineica – tod tik ar “telegentu personu”. Kas tei par “sārgu” i kai lai taidu daboj? Kur vuškys, tī i cierpieji! I par paleigim i padūmdeviejim naivajam i paslynkajam, nu uzjiemeigajam lauku puišam dasasoka i Pabyru partejis vītejuos nūdalis dybynuotuojs Miseņš, i mudrī tiergūni Abrams ar kuņdzi, i cyti “lobvieli”.