24. aprelī 14.00 Gaļānūs nūtiks Roberta Mūka muzeja atkluošona piec veiktūs remontdorbu.

Pasuokuma ītvorūs paradzāts īsapazeit ar telpom i projekta “Mums nav lemts pazust no šī laika un telpas” (R. Mūks) eistynuošonu, kai ari muokslinīka Juoņa Seiksta akvareļu i keramikys izstuodis atkluošona.

Nu 2000. goda da aizīšonys myužeibā 2006. gadā Gaļānu pogosts i škola uzturēja draudzeigys attīceibys ar tī dzymušū i ilgus godus trymdā dzeivuojušū dzejnīku i religeju viesturnīku Robertu Mūku (Avenu) (1923-2006). Piec juo aizīšonys myužeibā tika sajimts boguoteigs sīvys Elzys Avenys duovynuojums ar nūvieliejumu īreikuot Gaļānūs muzeju filozofam i dzejnīkam. Duovynuojumu veidoj Roberta Mūka pīminis lītys, izdūtī dorbi, rūkroksti, daļa bibliotekys, mebelis, dorba kabineta īkuorta, rokstommašynys, peipu i šlipstu kolekcejis, apbolvuojumi, muokslys prīškmati, kartenis, viestulis, drēbis i cytys lītys. Suokumā duovynuojums tyka izvītuots Gaļānu kulturys noma mozajā zalā, nu 2007. goda junī Školys īlā 11C  tyka atkluota Roberta Mūka Pīminis ustoba.