Daugovpilī, Strūpu estradē 7. junī nūtiks Latgolys dzīšmu svātki „Mana zeme”. Itys gods ir jubileja gods – Daugovpilei aprit 740. dzimšonys dīna, sovukuort Latgolys dzīšmu svātkim – 75 godi. Svātkūs pīsadaleis ap 100 kolektivu i gondreiž 3000 dalinīku nu Latgolys i cytim Latvejis nūvodim. Koncerta „Mana zeme” dalinīki byus jauktī, sīvu, veiru kori, pyutieju orkestri, tautys muzykys kolektivi i deju ansambli, postfolklorys grupa “Rikši”, solisti Ilona Bagele i Atis Ieviņš. Piec ilgu godu pauzis legendaruos rokgrupys „Elpa” izpiļdejumā izskanēs J. Logina i A. Skalbis „Senā dziesma”. Svātkūs pīsadaleis ari uorvaļstu gosti – Vitebskys kulturys centra amatīru horeografiskais ansamblis „Zorjka”.

Koncertā izpiļdeis Latvejis i Latgolys komponistu dorbus. Pyrmū reizi Latgolys dzīšmu svātkim ir sovs karūgs, tuo autore – muokslineica Silva Veronika Linarte.

Suokums 17:00 stuņdēs, īeeja pasuokumā bez moksys.