Kolnasātys leluo saruna ar muteigū stuostnīku Andri Čakānu nu Lozdukolna Ruguoju nūvodā. Jam ir 72 godu, jis dzied vītiejā etnografiskajā ansamblī, lobpruot oda i nūsadorboj ar cytim rūkdorbim. Andris Čakāns zyna taidus latgalīšu volūdys vuordus, kurus latgalīši vaira nimoz namuok lītuot. Jis ir stuostnīks, kuru varēs dzierdēt Storptautiskuo folklorys festivala “Baltica” pasuokumā “Skotu un latgaliešu stāstu sasaukšanās”. Nu jūki mozi – Andris Čakāns intervejā ari skorbi runoj par latgalīšu volūdu.

Vēļ sižets par tū, deļkam Rēzeknis muokslys i dizaina vydsškola juoapvīnoj ar Juoņa Ivanova Rēzeknis muzykys vydsškolu? Tū gryb dareit jau cytugod. Apvīnuotuos školys sauks par kompeteņcis centru – taidim Eiropys Savīneibys finansiejumu dabuot ir vīgluok. Vairuokys školys nu tuo vys ir atsasacejušys, ari Stanislava Broka Daugovpiļs muzykys vydsškola. Vaira stuosta Renāte Lazdeņa.

Raidejumu klausīs ite.