Valentins Lukaševičs gastej pi Juoņa Kuzminska Kaunatys pogosta Dubuļūs. Tys ir stuosts par lobu ideju i veiksmeigu biznesu, kū aizsuocs Juoņs – jis taisa gitarys. 2014. godā meistars sajiems Latgolys kulturys bolvu “Boņuks”, juo instrumentus spielej i Guntis Rasims (grupa “Bez PVN”), i Arņs Slobožanins (grupa “Dabasu Durovys”), tūp gitara, kas ceļuos iz Sietlu ASV. Īpazeisim ari Juoņa saimi, treis meitys i Rēzeknis Augstškolys lektori, meistara sīvu Aiju, kurys vacuoku sātā rit kasdīna, tūp jauna darbneica i rūnās idejis. Juoņa Kuzminska stuosts īinteresej i aizraun i īsaklausūt juo puordūmuos par biznesa vareibom nūvodā, i poša dzeivis pīredzi ceļā nu Moskovys da Latgolys. Kuzminsku sātā bīži muzicej, sevkurs muok spielēt kaidu instrumentu, Juoņs pīroksta kaidu dzīsmeiti i tūp originals prīšknasums!