Grupa “Unknown Artist” izmontuojuse muzykys festivalā “Osvalds” sajimtū jaunūs muokslinīku konkursa golvonū bolvu i īrakstejuse profesionalā skaņu studejā “Točkas dzīsmi”.

Grupa nūsadybynuojuse 2014. goda vosorā. Kai soka poša dalinīki, ar jūs minimalajom vareibom byutu gryuši kū īsuokt, nu jī ir pateiceigi Andra Slišāna nanūviertejamam atbolstam, kas devs grupai īspieju, kuru jī turpynoj izmontuot ari itūšaļt.

Dzīsmis pyrmsuokumi vaicuojami tuolajā 2014. goda vosorā. Koč i dzīsmis saturs bolstuos iz realu faktu i nūtikšonu pīrūbežā, tok dzīsme teik pasnāgta reizē i ironiski, i muzykali jautri.