Catūrtū reizi Daugovpiļs Marka Rotko muokslys centrā nūtiks Latgolys regiona muokslinīku dorbu izstuode, kurā pīsadaleit teik aicynuoti vysu medeju muokslinīki i muokslys studenti nu regiona piļsātu i nūvodu.

Ļaunūt breivu vaļu autoru idejis liduojumam, izstuode dūmuota kai spylgta regiona muokslinīku radeitūs dorbu skate, atspīgeļojūt lobuokū muokslinīciskū veikumu, kas radeits laikā nu 2014. da 2016. goda.

Izstuodei kotrys autors žūrejis viertiešonai dreikst īsnīgt na vaira kai treis dorbus.

Dorbu dasacejums ar dorbu fotografejom (izškiertspieja 300 dpi) juoīsnīdz elektroniski da 2016. goda 10. marta iz e-postu:daugavpilsuntitled2016@gmail.com

Izstuodis nūslāgumā atseviški dorbi, kas atbylst Daugovpiļs Marka Rotko muokslys centra budžeta vareibom, tiks īpierkti centra kolekcejis papyldynuošonai.

Izstuode “UNTITLED 2016” Rotko centrā nūtiks nu 2016. goda 24. apreļa da 10. juļa.