Mīlesteibys mieneša ītvorūs “Borowa Mc” soliste Guntra Kuzmina publiskoj singlu “Buorstuos”.

Singla muzykys autors ir Ingars Gusāns, teksta autore Leiga Rundāne. Guntra kūpā ar Ingaru Gusānu muzicej jau vaira nakai 10 godu, partū itei dzīsme ir veļtejums Ingaram gaidomajā dzimšonys dīnā, kai ari vysim meiļuotuojim mīlesteibys svātkūs.

“Ingara dzīsmis malnrokstu atrodu pavysam najauši, paslapši devūs iz studeju, i te nu ir gola rezultats. Reizem mums navajag nimoz tik daudz. Pīteik ar pavysam mozom kasdīnys prīcom i puorsteigumim. Aicynoju atguoduot, cik daudz mums nūzeimoj draugi i cylvāki, kurī mums tyc i myus īdvasmoj.”

Dzīduotuoja gatavejās pyrmajim akustiskajim koncertim, kurymūs varēs dzierdēt jaunuokuos Guntrys i Ingara kompozicejis.