22. martā 22.05 LTV1 TV pyrmizruodi pīdzeivuos režisora Normunda Puča debeja kina “Segvārds Vientulis”, kas viestej par Vonogu draudzis prīsteri Ontonu Juhneviču.

Kinys centrā ir prīstera Ontona Juhņeviča īkšejais konflikts storp gareidznīka morāli ētiskajim uzstuodejumim i patriotisma jiutom, kas līk jimt rūkā īrūci, lai aizstuovātu Tāvzemi i Bazneicu laikā, kod Latgolā atsagrīž padūmu okupacejis režims.

Kinys scenarejs tops sadarbeibā ar viesturnīkim Juoni Viļumu, Inesi Dreimani i Ritvaru Jansonu. Kinā tāloj profesionali aktīri – Varis Piņkis, Vilis Daudziņš, Īva Aniņa i cyti. Kinā dzierdama ari latgalīšu volūda.

Režisoram Normundam Pucim, kurs ir ari scenareja autors, itei ir debeja kina.

Muzyku kinai sarakstejs storptautiski atzeitais latvīšu goreiguos muzykys komponists Rihards Dubra.