Vaļsts Kontrole atkluojuse puorkuopumus i napiļneibys pošvaļdeibu uzjāmumu apsaimnīkuošonys dorbā. Koč i tys bejs īcarāts kai eislaiceigs rysynuojums, gondreiž 80 procentūs gadīņu ar dzeivūkļu sātu apsaimnīkuošonu nūsadorboj pošvaļdeibys uzjāmumi. Vaļsts Kontrole izpietejuse nūzaris dorbu Ekonomikys ministrejā i ostoņuos pošvaļdeibuos – Ūlainē, Dūbelē, Grūbeņā, Līpuojā, Talsūs, Rēzeknē, Ludzā i Jākubpilī. Latgolā atkluotūs puorkuopumus “Kolnasāta” lyudze skaidruot “Rēzeknes namsaimnieks” vaļdis lūcekļam Vjačeslavam Spičam i uzjāmuma “Ludzas apsaimniekotājs” vadeituojam Andrim Līpacim.

Arņs Slobožanins i Valentins Lukaševičs skaidroj, kū nūzeimoj vuords “kontrole”.

Teik runuots ari par tim, kurīm problemys juoizgaismoj – saruna ar Latgolys žurnalisti Ivetu Čigāni par pietnīciskū žurnalistiku.