No Latgolys īvālāts deputats pīstruodoj par žurnalistu. Voi tymā ir kaids slāpts nūlyuks voi etikys puorkuopums? Saeimys deputats Jurs Viļums intervej Latgolā zynomus cylvākus i publicejās žurnalā “A12”. Renāte Lazdiņa uzklausa deputata, žurnala redaktoris i medeju ekspertu redzīni i skaidroj, kai iz itaidom intervejom vērtīs skaiteituojam.

Cikom Latgola vylynoj turistus ar šmakovkys muzejim, “Kolnasātys” studejā saruna par ols i veina dareišonu sātā. Kas obejim dzierīnim kūpeigs, kaids ir eistais recepts i cik lela bāda rūnās seikys klaidys deļ, stuosta jaunais veindars Ervīns Škesters, kurs veinūgys audzej pats, i pīredzejušais Boleslavs Purmalis, jis, leidza ar dzīduošonu, doncuošonu i pensionaru bīdreibys vadeišonu, sātā dora olu.

Raidejumu klausīs ite.