6. augustā 20.00 Preiļu parka estradē nūtiks ilggadejais festivals “Latgales Šlāgermūzikas parāde”, kur apmaklātuojus otkon prīcynuos zynomys i īcīneitys Latgolys grupys i izpiļdeituoji: grupa “Ginc un Es”, Andris Eriņš i “Dricānu dominante”, “Dvinskas muzikanti”, bruoli Punculi, Igauņu saime nu Gaigalovys, eipašī gosti – Atis Auzāns ar Pavodūšū grupu i Piļskaļnis videjuos paaudzis deju kolektivs, informej Preiļu nūvoda sātyslopa.

Itūgod “Latgales Šlāgermūzikas parādes” apmaklātuojus sagaida eipaši puorsteigumi i bolvys nu pasuokuma atbaļsteituoju. Pasuokuma nūslāgumā byus ļusteigs nakts bals, kur spielēs bruoli Punculi i “Dvinskas muzikanti”, pauzēs i nūslāgumā – diskoteka ar DJ Normundu. Pasuokumu vadeis kolhoza “Nākotne” prīšksādātuojs Kazimirs Adamovičs (Ritvars Gailums).

Beleti jau ir daeimami Preiļu KC kasē. Beleta cena īprīkšpuordūšonā 3 eiro, pasuokuma dīnā byus duorguok.