Jaunu dzīsmi pīduovuoj Aņss Ataols Bierzeņš, kas plošuokai sabīdreibai zynoms kai  folklorys kapelys “Maskačkys spieļmani” vadeituojs. Aņša albums “Pasaver” sajiems ari Latgalīšu kulturys goda bolvu “Boņuks 2015” kai lobuokais snāgums šlagermuzykā.

Dzīsme “Tēte pa skaipam” ir Aņša Ataola Bierzeņa protesta dzīsme pret situaceju, kas izaveiduoje saisteibā ar tīsys sprīdumu 13. janvara nūtykumu rezultatā. “Itei dzīsme veļteita jaunuokajai meitai Kresceņtejai aba Kreseitei, kura vēļ ir par mozu, kab saprostu, deļkuo tēte navar pi juos atbraukt,” stuosta Aņss.